"Герта" ва "Гамбург" Германия кубогида ўзаро 6 тада гол уришди. Ўйиннинг асосий вақтида ғолиб жамоа номи аниқланмагач, барчаси пенальтилар сериясида ҳал бўлди, бунда майдон эгалари, "Герта" футболчилари ғалаба қозонишди.
Ушбу учрашув иштирокчиларидан бири мухлисларнинг алоҳида эътиборини тортди. 80-дақиқада "Герта" бош мураббийи 27 ёшли Надер Эл-Жиндауини майдонга туширди.
Ўша оқшом ярим ҳимоячи асосий жамоада дебют қилди. У "Герта"нинг ўринбосар жамоасида ўйнайди. Лекин йигитнинг асосий даромади футбол эмаслиги аниқ. Ўйинлар ва машғулотлардан бўш вақтларида Эл-Жиндауи ижтимоий тармоқларда ўтиради. Блоггернинг ҳаётини 2 миллион обуначи кузатиб боради. Ўйинчи мунтазам равишда "менинг ҳашаматли ҳаётим" сериясидан суратларни жойлаштиради: ялтироқ шпонлар, қимматбаҳо костюмлар, ажойиб машиналар ва шунга ўхшаш нарсалар. Унинг жуда кўп оилавий фотосуратлари бор - хотини ва икки фарзанди билан.
"Гамбург" билан ўйинда фаластинлик немис футболчиси майдонда бироз йўқолиб қолди. Бундай тезликда ўйнаш унга қийин экани сезилди. Аммо ярим ҳимоячи ўйиндан кейинги пенальтини ишончли тарзда амалга оширди. У гол урди ва жамоасининг чорак финалга чиқишига ёрдам берди. Шу билан бирга у ўз обуначилариини хурсанд қилди.
