"Gerta" va "Gamburg" Germaniya kubogida o‘zaro 6 tada gol urishdi. O‘yinning asosiy vaqtida g‘olib jamoa nomi aniqlanmagach, barchasi penaltilar seriyasida hal bo‘ldi, bunda maydon egalari, "Gerta" futbolchilari g‘alaba qozonishdi.
Ushbu uchrashuv ishtirokchilaridan biri muxlislarning alohida e’tiborini tortdi. 80-daqiqada "Gerta" bosh murabbiyi 27 yoshli Nader El-Jindauini maydonga tushirdi.
O‘sha oqshom yarim himoyachi asosiy jamoada debyut qildi. U "Gerta"ning o‘rinbosar jamoasida o‘ynaydi. Lekin yigitning asosiy daromadi futbol emasligi aniq. O‘yinlar va mashg‘ulotlardan bo‘sh vaqtlarida El-Jindaui ijtimoiy tarmoqlarda o‘tiradi. Bloggerning hayotini 2 million obunachi kuzatib boradi. O‘yinchi muntazam ravishda "mening hashamatli hayotim" seriyasidan suratlarni joylashtiradi: yaltiroq shponlar, qimmatbaho kostyumlar, ajoyib mashinalar va shunga o‘xshash narsalar. Uning juda ko‘p oilaviy fotosuratlari bor - xotini va ikki farzandi bilan.
"Gamburg" bilan o‘yinda falastinlik nemis futbolchisi maydonda biroz yo‘qolib qoldi. Bunday tezlikda o‘ynash unga qiyin ekani sezildi. Ammo yarim himoyachi o‘yindan keyingi penaltini ishonchli tarzda amalga oshirdi. U gol urdi va jamoasining chorak finalga chiqishiga yordam berdi. Shu bilan birga u o‘z obunachilariini xursand qildi.
