Россия ва Ўзбекистон ёшлар терма жамоалари ўртасидаги ўйиндан кейин матбуот анжумани ўтказилди.

Николай Писерев, Россия ёшлар терма жамоаси бош мураббийи:
— Ўйин жуда яхши кечди. Мен Ўзбекистон терма жамоаси билан бир гуруҳга тушганимиздан хурсандман. Бу яхши шаклланган жамоа. Улар бизга нисбатан ҳам жисмоний, ҳам тактик жиҳатдан яхши тайёргарликка эга. Биз бор-йўғи 3 кун аввал йиғилдик, барча таътилдан энди қайтди. Лекин биз, ҳеч нарсага қарамасдан, ўйнадик, чидадик. Ўйин сўнгида гол ўтказиб юборишимизга сал қолди. Дуранг эса ҳаққоний натижа. Биз бугун 7 нафар ўйинчини алмаштирдик. Барчага ўйнаш имкониятини беришимиз лозим. Ўйинчиларнинг баъзилари эса ўзини алмаштиришни сўради. Ваъда бераман, ўйиндан ўйинга кучаяйиб борамиз.