Мадриднинг “Атлетико” клуби марказий ҳимоячиси Чаглар Сёюнджю Туркияга қайтиши мумкин.
27 ёшли футболчи июль ойида "матрасчилар" сафига "Лестер"дан эркин агент сифатида кўчиб ўтди. Туркиялик марказий ҳимоячи камдан-кам ҳолларда майдонга тушаяпти, шу боис у ўйин тажрибасига эга бўлиш учун январда жамоани тарк этиши мумкин. TRT Spor хабарига кўра, "Фенербахче" футболчини ижарага олмоқчи. Истанбул клуби Мадрид билан музокараларда жиддий муваффақиятга эришди.
Сёюнджю бу мавсумда "Атлетико"нинг атиги бешта ўйинида қатнашди. Transfermarkt портали маълумотларига кўра, туркнинг трансфер қиймати 15 миллион еврони ташкил қилади.
