Британия матбуоти Харри Кейннинг «Тоттенхэм»дан «Манчестер Юнайтед»га муваффақиятсиз ўтиши ҳақидаги маълумотлар билан бўлишди.
Эслатиб ўтамиз, ўтган ёзда «шпорлар» Кейнни «Бавария»га сотиб юборганди.
«Манчестер Юнайтед»ни Кейн учун товон пулининг юқорилиги, шунингдек, футболчининг агентининг маош учун молиявий талаблари қўрқитган.
Қайд этилишича, «МЮ» узоқ давом этадиган музокараларга тайёр эмас эди. Натижада ўтган ёзда «қизил иблислар» «Аталанта» ҳужумчиси Расмус Хёйлунд учун 80 миллион евро тўлаганди.
Даниялик футболчи айни дамда Тен Хаг жамоасида Англия премьер-лигасида битта ҳам гол ура олмаган.
