Ўзбекистон миллий терма жамоаси 23 январь куни Россия Премьер-лигаси вакили "Краснодар" билан назорат ўйинини ўтказадиган бўлди. Бу ҳақда клуб расмий сайти хабар тарқатди.
Ўзбекистон ва "Краснодар" ўртасидаги ўйин Абу-Даби шаҳридаги "Шайх Зайд" стадионида, Тошкент вақти билан соат 18:00да бошланади.
Аввалига шу куни "Краснодар" клуби Фарғонанинг "Нефтчи" клуби билан ўртоқлик ўйинини ўтказиши керак эди. Бу жамоалар ўртасидаги ўйин 26 январь куни бўлиб ўтадиган бўлди. Бу ўйин ҳам "Шайх Зайд" стадионида ўтказилади.
Ўзбекистон миллий терма жамоаси ўқув-машғулот йиғинини ўтказиш учун БАА 21 январь куни жўнаб кетади ва у ерда 12 кун шуғулланади. Терма жамоамиз 1 февраль куни Озарбойжон терма жамоаси билан ўртоқлик учрашувини ўтказади.