"Челси" ҳужумчиси Николас Жексон "Эвертон" ҳимоячиси Нейтан Паттерсон билан муштлашгани учун жазо олмайди. Журналист Мет Лоу берган маълумотларга кўра, футбол ассосиаасияси сенегалликни жазоламайди.
Эслатиб ўтамиз, Жексон кеча "Эвертон" билан ўйинда захирадан майдонга тушган, аммо жамоасига 0:2 ҳисобидаги мағлубиятдан қутулиб қолишга ёрдам бера олмади. Финал ҳуштагидан сўнг сенегалликнинг асаблари чидай олмади, натижада у билан Паттерсон ўртасида ўзаро тўқнашув келиб чиқди.
Жексон ёзда "Вилярреал"дан кўчиб ўтганидан кейин Англия Премьер-лигасидаги биринчи мавсумини ўтказмоқда. Сенегаллик 6 та гол урган.
