"Манчестер Юнайтед" бош мураббийи Эрик тен Хаг Чемпионлар лигаси гуруҳ босқичининг сўнгги турида "Бавария"га қарши ўйинда жамоасининг ғалаба қозониш имкониятларига баҳо берди.
Эслатиб ўтамиз, "манкунианликлар" плей-оффга чиқиш имкониятига эга бўлишлари учун “Копенгаген” – “Галатасарой” учрашувида дуранг қайд этилиши ва ўзлари "Бавария" устидан ғалаба қозониши керак.
"Биз ҳар қандай рақибни мағлуб этишга қодирмиз. "Челси" ва "Эвертон"га, шунингдек, "Галатасарой"га қарши ўйинларда биз юқори савияда ўйин кўрсатишга қодир эканимизни кўрсатдик", — деди Тен Хаг матбуот анжуманида.
Англия Премьер-лигасининг сўнгги турида “Манчестер Юнайтед” ўз майдонида “Борнмут”га йирик ҳисобда мағлуб бўлди.
