Ўзбекистон ва Қозоғистон ёшлар терма жамоалари ўртасидаги ўйиндан кейинги матбуот анжуманида ҳар иккала жамоа бош мураббийлари иштирокида матбуот анжумани ўтказилди.

Аҳмаджон Мусаев:
— Ўйин яхши, чиройли ва мухлислар учун қизиқарли ўтди. Ҳар иккала жамоанинг кучи тахминан тенг эди, аммо омад бизга бироз кулиб боқди. Аввалги ўйин билан солиштирганда, мен асосий таркибни алмаштирмадим. Россия билан ўйинда дуранг қайд этилганига қарамай, жамоам ўша ўйинда яхши ўйин кўрсатди, деб ҳисобладим. Ҳар ҳолда бу мусобақа мезбони.  Регламент бўйича мен 7 нафар футболчини алмаштириш ҳуқуқига эгаман. Бу ишни ўйин давомида амалга оширяпман. Шу тарзда ўйинчилар ўйнаш имконини беряпман. Умуман олганда, ҳозирда Ўзбекистонда футбол кўтарилишда. Ўзингиз баҳо беринг: Ўсмирларимиз Осиё чемпиони ҳисобланса, бизнинг жамоа ярим финалгача етиб борди. Миллий терма жамоамиз эса ЖЧ-2014 саралаш баҳсида 1-ўринда бормоқда. Барчамиз учун "планка" юқори қўйилган ва биз уни ушлаб туришимиз лозим.