"Милан"нинг ўн беш турдан кейинги статистикаси Стефано Пиоли фойдасига гапирмаяпти. Клуб чемпионат пешқадамидан 9 очко ортда қолиб кетди. Мисол учун, ўтган мавсумда "Наполи" ғалаба қозонганида, ўн беш турдан кейин "Милан"нинг чемпион билан фарқи саккиз очкони ташкил қилганди.

2021/2022 йилги мавсумда, яъни "Милан"нинг чемпионлик мавсумида клуб ўн бешинчи турда пешқадамдан бир очко ортда эди. Ниҳоят, 2020/2021 йилги мавсумда Пиолининг клуб бошқарувидаги биринчи тўлиқ мавсумида “Милан” ўн беш турдан сўнг, умуман олганда, чемпионат жадвалида пешқадам эди.