«Манчестер Юнайтед» Чемпионлар лигасида ўз мухлисларини ҳафсаласи пир қилди.
Эрик тен Хаг шогирдлари бор-йўғи 4 очко жамғариб, ўз гуруҳида «Бавария» (16), «Копенгаген» (8) ва «Галатасарой» (5)дан кейин охирги ўринни эгаллади. Натижада «қизил иблислар» еврокубоклардан чиқиб кетишди.
Айтиш жоизки, «Манчестер Юнайтед» аллақачон бир марта Чемпионлар лигаси гуруҳида сўнгги ўринни эгаллаган.
Бу 2005/2006 йилги мавсумда, Сэр Алекс Фергюсон жамоа мураббийи бўлганида содир бўлди. Ўшанда «қизил иблислар» (6 очко) кутилмаганда «Вильярреал» (10), «Бенфика» (8) ва «Лилл» (6) бўлган тўртликда охирги ўринни эгаллаган.
