«ПСЖ» бош мураббийи Луис Энрике Европа чемпионлар лигаси гуруҳ босқичи сўнгги тури доирасида бўлиб ўтган «Боруссия»га қарши ўйинда (1:1) Килиан Мбаппенинг норозилиги борасида ўз фикрини билдириб ўтди.

«Мбаппенинг жаҳл қилишини тушунаман, аммо жамоани мен бошқараман. Бу фаолиятимдаги энг яхши қарорлардан бири бўлди. «Милан» параллел ўйиннинг 88-дақиқасида «Ньюкасл» устидан 2:1 ҳисобида ғалаба қозонаётганини билдим ва ўйинчиларга: «Эй, таваккал қилмаймиз!», дедим.

Табиийки, гол уришга ҳаракат қилишимиз керак эди. 88-дақиқадан кейин 2-3 марта «Боруссия» жарима майдонига кирдик. Аммо бу муҳим қарор эди. Бу нафақат менинг қарорим, балки мураббий штабининг қарори эди», — деди Энрике.

Эслатиб ўтамиз, Мбаппе жамоа "Боруссия"га қарши ўйинда кам ҳужум қилганидан норози бўлди. «ПСЖ» 2-ўрин билан кейинги босқичга чиқди.