Туриннинг "Ювентус" клуби "Манчестер Сити" ярим ҳимоячиси Кэлвин Филлипснинг трансфери бўйича музокараларни бошлади. Бу ҳақда италиялик журналист Фабрицио Романо ўзининг ижтимоий тармоқларида маълум қилди.
Манбанинг қайд этишича, Филлипс Италияга кўчиб ўтишга тайёр, "Манчестер Сити" эса мураббий Пеп Гвардиоланинг режаларига кирмайдиган футболчини қўйиб юборишга тайёр. "Ювентус" шартномани сотиб олиш опцияси билан ижара асосида расмийлаштирмоқчи. Томонлар англиялик футболчининг маошининг қанча қисмини "Манчестер Сити" қоплаши борасида ҳалигача келиша олишмади.
Эслатиб ўтамиз, аввалроқ Филлипсга "Ньюкасл" ва "Манчестер Юнайтед" ҳам қизиқаётган эди.
