Хави бир қатор ёмон натижалардан кейин босим остида қолди. Миш-мишларга кўра, ёш мутахассис мавсум якунида, ҳатто ундан ҳам олдинроқ "Барселона"дан ҳайдалиши мумкин.
El Nacional нашрининг ёзишича, Юрген Клоппнинг Каталония жамоаси бош мураббийи лавозимига тайинланиши мумкин. Манбага кўра, германиялик мутахассис "кўк-анорранглилар" президенти Жоан Лапорта билан тез-тез мулоқот қилиб туради. Клопп "Барселона" туза бошлаган рўйхатда биринчи ўринда турибди.
Эслатиб ўтамиз, Юрген Клопп “Ливерпул”ни 2015 йилнинг октябрь ойидан буён бошқариб келмоқда. Немис бошчилигида жамоа кўплаб совринларни қўлга киритди, жумладан, Премьер-лига ва Чемпионлар Лигасини.
"Барселона" ҳозирда Ла Лига турнир жадвалида учинчи ўринда бормоқда.
