"Манчестер Сити" бош мураббийи Пеп Гвардиола "Флуминенсе"га қарши бўлиб ўтадиган клублар ўртасидаги жаҳон чемпионати финали ҳақида гапирди.
"Футболчилар тайёр ва бу учрашув қанчалик муҳимлигини билишади. Финалда иштирок этиш жуда ёқимли. "Флуминенсе"нинг қанчалик иқтидорли ва кучли эканлигини ва улар нималарга қодир эканини яхши биламан. Улар Аргентина, Колумбия ва Уругвай жамоаларини мағлуб этишди. Мен уларнинг футболчиларини биламан ва уларни қилаётган ишлари учун ҳурмат қиламан. Улар жуда яхши ўйнашади.
"Флуминенсе" 1970-йиллар, 80-йиллар ва 90-йилларнинг бошларига хос бразилияликлар услубда ўйнайди. Бразилия 1994 йилда жаҳон чемпионатида ғалаба қозонганида шундай ўйнаган. Улар тўпни кўп назорат қиладилар, кўп қисқа паслар берадилар ва тез-тез ўйнашади. Тан олишимиз керакки, биз ҳеч қачон бундай рақибларга дуч келмаганмиз", - деди Гвардиола "Манчестер Сити" сайтига.
“Манчестер Сити” ва “Флуминенсе” ўйини 22 декабрь, жума куни бўлиб ўтади.
