"Манчестер Сити" ўз тарихидаги энг муваффақиятли йилни ўтказди.
Пеп Гвардиола шогирдлари кеча клублар ўртасидаги жаҳон чемпионати финалида "Флуминенсе"ни 4:0 ҳисобида мағлуб этиб, 2023 йилдаги бешинчи совринини қўлга киритди.
Аввалроқ “шаҳарликлар” Премьер-лига, Чемпионлар лигаси, Англия кубоги ва Европа Суперкубогида ғолиб чиқишган. Улар Англия Суперкубогида "Арсенал"га мағлуб бўлишди.
"Манчестер Сити" ҳеч қачон бир йил ичида бунчалик кўп турнирда ғалаба қозона олмаган.
Қолаверса, "шаҳарликлар"га қадар бирорта ҳам инглиз жамоаси бир йил ичида Премьер-лига, Чемпионлар лигаси, Англия кубоги, Европа Суперкубоги ва клублар ўртасидаги жаҳон чемпионатида ғалаба қозона олмаган.
