«Реал Мадрид»нинг 6 нафар футболчи билан шартномаси 2024 йилнинг ёзида якунига етади. Клуб улар билан шартномани узайтиришни истаса, январь ойидан музокараларни бошлаши мумкин.

Тони Кроос. Жорий мавсумда 34 ёшли футболчи яхши ўйин кўрсатмоқда. У жамоа сафида энг кўп голли узатмани амалга оширган ўйинчи бўлиб турибди — 6 та.

Лука Модрич. Хорватиялик 38 ёшли футболчи ҳамон юқори савияда ўйнашга тайёр. У чарчаш нималигини билмаяпти.

Начо. Жамоа сардори сўнгги ўйинларди бир қатор хатоларга йўл қўйди. Агар «Мадрид» янги ҳимоячи билан шартнома имзоласа, у жамоани тарк этади.

Хоселу. Ҳужумчининг бир йиллик ижараси ҳозирча ёмон кечмаяпти. У 10та ўйинда майдонга тушиб, 8 гол урди.

Кепа Аррисабалага. Испаниялик посбон ҳам Хоселу каби позицияда. У ҳозирча барчанинг меҳрини қозонгани йўқ.

Лукас Васкес. У доимгидек муаммо юзага келган чизиқни ёпиб юрибди. Керак пайтда эса ҳужумчига айланмоқда.

Клуб сиёсатига кўра, ёши 30 дан ошган футболчига атиги бир йиллик шартнома таклиф этилади.