Ҳимоячи Маттео Габбиа ижара асосида ўйнаган "Вильярреал"ни эрта тарк этади. Бу ҳақда инсайдер Маттео Моретто ижтимоий тармоқлар орқали маълум қилди.
"Вильярреал" футболчини яна "Милан"га қўйиб юборишга тайёр. Энди томонлар ижара шартномасини бузиш масаласида келишиб олишлари керак. "Россонерилар" бир нечта ҳимоячилар жароҳати туфайли Габбиани қайтаришга қарор қилишди.
24 ёшли Габбия Испания чемпионатида жорий мавсумда еттита ўйин ўтказиб, иккита сариқ карточка олди. Италия чемпионатининг 17-туридан сўнг “Милан” 33 очко жамғариб, турнир жадвалида учинчи ўринни эгаллаб турибди.
