"Астон Вилла" бош мураббийи Унаи Эмери АПЛ 19-туридан ўрин олган "Манчестер Юнайтед"га қарши ўйин (2:3) натижаларини сарҳисоб қилди.

“60 дақиқани фантастик ўтказдик. Биз учрашувни назорат қилдик ва жуда яхши ўйнадик. Биринчи бўлимдан сўнг биз кийиниш хонасида битта гол уришса, камбэк содир бўлиши мумкинлигини айтдик. Биз жуда яхши курашдик, аммо кейин гол ура олмадик. Ва шундан сўнг 20 дақиқа ичида улар учта гол уришди. Бу уларнинг энг яхши вақти эди, улар ажойиб ўйинчиларга эга жуда яхши жамоа. Энди менинг ягона мақсадим – шанба куни “Бёрнли”га қарши мавсумнинг иккинчи ярмини яхши бошлаш”, – дея Эмери сўзларини келтирмоқда BBC.