"Реал"нинг собиқ футболчиси Манолин "Қироллик клуби" ярим ҳимоячиси Жуд Беллингемни афсонавий Альфредо ди Стефано билан таққослади.
"Беллингем ҳужумчи сифатида ўйнамайди, худди Альфредо каби орқароқда ўйнайди. Аммо Альфредо дарвозабондан тўпни сўраб, янада чуқурроқдан ўйнарди. Беллингемда Ди Стефанонинг хусусиятлари бор. Қисман рассом, қисман жангчи", - деди икки карра Чемпионлар лигаси ғолиби The Athletic билан суҳбатда.
Беллингем 2023 йилнинг ёзида "Реал"га ўтган эди. Жорий мавсумда 20 ёшли англиялик футболчи барча мусобақаларда 21 та ўйинда майдонга тушиб, 17 та гол урди ва 5 та голли узатмани амалга оширди.
