"Челси" ҳужумчиси Кристофер Нкунку жароҳатидан кейин қандай қийинчиликларга дуч келгани ҳақида гапирди.
Эслатиб ўтамиз, ёзда франциялик футболчи тиззасидан жароҳат олган, шу сабаб янги клубида фақат декабр ойида дебют қилганди.
“Мавсум бошланишидан олдин жароҳат олганимдан кейин мен учун жуда қийин бўлди. Қайтиш учун диққатимни жамлаб, кўп меҳнат қилишим керак эди.
Мен айнан шундай қилдим, шунинг учун энди мен бахтлиман. Ўйлайманки, келажак яхши бўлади”, деди Нкунку “Челси” расмий сайтига.
Нкунку ўтган якшанба куни "Вулверхэмптон" дарвозасини ишғол қилиб, Aнглия Премьер-лигасидаги илк голини урди.
