Англиянинг “Манчестер Сити” клуби Аргентинанинг “Ривер Плейт” клуби ярим ҳимоячиси Клаудио Эчеверрини 25 миллион евро эвазига сотиб олиш борасида келишувга эришди.
Испаниянинг "Mundo Deportivo" нашри хабарига кўра, аргентиналик истеъдод жорий мавсумни “Ривер Плейт”да якунлайди, келаси мавсумдан эса “Манчестер Сити” футболчини Европанинг топ-чемпионатида футбол тажрибасига эга бўлиши учун Каталония “Жирона”сига ижарага беради.
Жорий мавсумда Клаудио Эчеверри “Ривер Плейт” сафида 6 та ўйинда майдонга тушиб, 1 та голли узатмани амалга оширди.
