Тошкентнинг “Бунёдкор” футбол клуби 8-20 февраль кунлари Туркиянинг Анталия шаҳрида йиғин ташкил этади.

“Бунёдкор” футбол клуби янги мавсумга қаратилган тайёргарлик режасида учта хорижий йиғин ўтказишни ишлаб чиққанди. Уларнинг дастлабкиси. 6-16 январь кунлари Дубайда олиб борилди. Ушбу йиғин доирасида Саудия Арабистониниг “Ал-Таавон” ҳамда Украинанинг “Металлист” клубларига қарши ўртоқлик учрашувлари ўтказилди.

Айни пайтда амирликларда давом этаётган йиғин иккинчиси ҳисобланиб, у 21 январдан 4 февралга қадар давом эттирилади. Икки ҳафталик ушбу тайёргарликлар доирасидаги дастлабки ўртоқлик учрашуви кеча “Ал-Шаржа” жамоасига қарши ўтказилди. Кейинги ўйин эса 31 январь куни Москванинг “Спартак” клуби билан бўлиб ўтади.

“Бунёдкор” жамоаси 8-20 февраль кунлари Туркиянинг Анталия шаҳрида мавсумга қаратилган тайёргарлик босқичининг якуний қисмини ўтказади. Ушбу йиғин доирасида тўртта назорат синов учрашуви ўтказилади. Анталиядаги спарринг рақиблар ҳозирданоқ маълум бўлиб, “қалдирғочлар”нинг ўртоқлик учрашувлари жадвали қуйидагича:

10 февраль. “Бунёдкор” – “Шахтёр” (Қарағанда, Қозоғистон)
13 февраль. “Бунёдкор” – “Ягеллония” (Белоцок, Польша)
16 февраль. “Бунёдкор” – “Черноморец” (Одесса, Украина)
19 февраль. “Бунёдкор” – “Ворскла” (Полтава, Украина)