Сурия футбол ассоциацияси раҳбарияти терма жамоа бош мураббийи Эктор Купердан жамоа сардори Омар ас Сомани таркибдан чиқариб ташламасликни сўрашган.
Раҳбарият ва бош мураббий ўртасидаги музокаралар 3 кун давом этган. Якунда, Купер терма жамоада ўзи ёки Сомадан биригина қолиши мумкинлигини айтган. Натижада, раҳбарият бош мураббийнинг қарорини қабул қилишга мажбур бўлган.
Соманинг сўзларига кўра, раҳбарият уни таркибга қайтариш учун Куперни лавозимидан озод этишга ҳам тайёр бўлган. Аммо, Купернинг шартномасидаги 500 минг евро компенсация пули бунга тўсқинлик қилган.
Сома Осиё кубогининг Ўзбекистонга қарши 1-тур ўйинигача терма жамоага қайтарилишига умид қилмоқда. Агар Купер ўз қарорини ўзгартирмаса, Сома терма жамоада ортиқ ўйнамаслигини маълум қилган.
