Suriya futbol assosiasiyasi rahbariyati terma jamoa bosh murabbiyi Ektor Kuperdan jamoa sardori Omar as Somani tarkibdan chiqarib tashlamaslikni so‘rashgan.
Rahbariyat va bosh murabbiy o‘rtasidagi muzokaralar 3 kun davom etgan. Yakunda, Kuper terma jamoada o‘zi yoki Somadan birigina qolishi mumkinligini aytgan. Natijada, rahbariyat bosh murabbiyning qarorini qabul qilishga majbur bo‘lgan.
Somaning so‘zlariga ko‘ra, rahbariyat uni tarkibga qaytarish uchun Kuperni lavozimidan ozod etishga ham tayyor bo‘lgan. Ammo, Kuperning shartnomasidagi 500 ming yevro kompensasiya puli bunga to‘sqinlik qilgan.
Soma Osiyo kubogining O‘zbekistonga qarshi 1-tur o‘yinigacha terma jamoaga qaytarilishiga umid qilmoqda. Agar Kuper o‘z qarorini o‘zgartirmasa, Soma terma jamoada ortiq o‘ynamasligini ma’lum qilgan.
