"Бавария" марказий ҳимоячиси Маьтейс де Лигт билан қишда хайрлашмоқчи эмас.
Sky Sports Deustchland порталининг қайд этишича, ҳимоя чизиғидаги кадрлар билан боғлиқ вазият туфайли бу ҳақида гап бўлиши мумкин эмас. Бироқ, ёзда вазият ўзгариши мумкин. Томас Тухель нафақат жисмонан, балки тўпни оёғида яхши ушлаб туриб, орқа чизиқни бошқара оладиган янги "ҳимоя хўжайини" қидирмоқда. Рональд Араухо Тухелнинг мутлақ мақсади бўлиб қолмоқда.
24 ёшли Де Лигтнинг мюнхенликлар билан шартномаси 2027 йилгача мўлжалланган. Transfermarkt уни 65 миллион еврога баҳоламоқда.
