Лондоннинг “Тоттенхэм” клуби дарвозабони Уго Льорис фаолиятини Aмериканинг “Лос-Aнжелес” клубида давом эттиради.
Нуфузли инсайдер Фабрицио Романонинг сўзларига кўра, 37 ёшли франциялик футболчининг трансфери бўйича барча томонлар ўртасида оғзаки келишув мавжуд.
Манбага кўра, Льорис МЛС клуби билан бир йиллик шартнома имзолайди. Қайд этилишича, келишувда шартнома муддатини узайтириш мумкин бўлган банд бўлади. Льорис 2012 йилдан бери "Тоттенхэм"да ўйнаб келмоқда.
Дарвозабон бу мавсумда майдонга тушмади. Transfermarkt портали маълумотларига кўра, футболчининг нархи бир ярим миллион еврога тенг.
