"Манчестер Юнайтед" ва "Атлетико" клубларининг собиқ дарвозабони Давид де Хеа Англия Премьер-лигасига қайтишга яқин турибди.
Todofichajes нашрининг хабар беришича, дарвозабоннинг янги клуби "Ньюкасл" бўлади. Қайд этилишича, томонлар ҳали шартнома муддатини келишиб олишлари керак. "Ньюкасл" дарвозабонни мавсум охиригача сотиб олмоқчи, Де Хеа эса 2025 йилнинг ёзига қадар шартнома талаб қилмоқда.
2022/2023 йилги мавсумда Де Хеа "Манчестер Юнайтед" сафида барча мусобақаларда 58 та ўйин ўтказди. Футболчининг "манкунианликлар" билан шартномаси шу йилнинг июнь ойи охирида якунига етган. Томонлар келишувни узайтирмасликка қарор қилишди.
