"Барселона" ярим ҳимоячиси Ориол Ромеу Хосеп Гвардиола ҳақида ўз фикрини айтди.
Испаниялик ярим ҳимоячи "Барселона"даги фаолиятини бошида "Манчестер Сити"нинг амалдаги бош мураббийи билан ишлашга муваффақ бўлди.
“Пеп - даҳо. У рақибларининг заиф томонларини тезда пайқаб, ўйинчиларига ечим таклиф қила олади. Унинг ажралиб турадиган жиҳати - танаффус вақтида жамоа билан чинакам самарали суҳбат қуришдир. Икки ёки учта тафсилот туфайли у содир бўлаётган воқеалар динамикасини ўзгартира олади", - деди ярим ҳимоячи.
Эслатиб ўтамиз, Пеп Гвардиола 2008 йилдан 2012 йилгача "кўк-анорранглилар" жамоасини бошқарган.
