"Милан" бош мураббийи Стефано Пиоли Рафаэль Леаунинг ўйинига юқори баҳо берди.

Шанба куни португалиялик ҳужумчи жароҳатдан қайтганидан кейин тўртинчи ўйинини ўтказди. “Россонерилар” “Сассуоло”ни мағлуб этди (1:0), ўйиннинг 81-дақиқасида ўзини яхши кўрсата олмаган Леау алмаштирилди.

“Рафа биладики, биз ундан кўпроқ нарсани кутишга ҳақлимиз. Шу билан бирга, жароҳатдан сўнг ўйинчиларнинг ўйнаши осон эмаслигини тушуниш керак, айниқса Леау каби портловчи футболчилар ҳақида гап кетганда.

Бугун у жамоада яхши ишлади. Мухлисларнинг ғазаби фақат унга бўлган ҳурматини кўрсатади - улар кўп нарса кутишади. Биз унинг нималарга қодирлигини биламиз”, деди Пиоли DAZN нашрига берган интервьюсида.