Мадриднинг “Реал” клуби ярим ҳимоячиси Жуд Беллингем ўтган йилги энг севимли лаҳзаси қайси бўлганини айтди. Эслатиб ўтамиз, ёзда 20 ёшли инглиз футболчиси 103 миллион евро эвазига “Сантьяго Бернабеу”га кўчиб ўтди ва Дортмунднинг “Боруссия” клуби тарихидаги энг қиммат сотувга айланди.
“Ўтган йилдаги энг севимли лаҳзам? Катта эҳтимол билан "Эл-Класико". Бу жуда оғир ўйин бўлди, лекин мен икки вазиятдан унумли фойдаланиб, жамоамга ғалаба келтира олдим", - дея Беллингем сўзларидан иқтибос келтиради Madrid Zone.
Эслатиб ўтамиз, Жуд ўз ҳисобига 13 та гол ёздириб қўйган ҳолда Ла Лиганинг энг яхши тўпурари ҳисобланади.