Мадриднинг “Атлетико” клуби ҳужумчиси Антуан Гризманн фаолиятини Яқин Шарқда давом эттириш имкониятига эга.
Журналист Экрем Конурнинг ижтимоий тармоқларда хабар беришича, Саудия Арабистони клуби 32 ёшли франциялик футболчи учун музокараларни бошлашга тайёр.
Гап қайси клуб ҳақида кетаётгани аниқланмаган. Гризманн аввалроқ МЛСда ўйнаш истаги ҳақида гапирган эди. Саудия клуби жиддий далиллар топа оладими ва футболчини қўлга кирита оладими, буни айтиш қийин.
2023/2024 йилги мавсумда Антуан Гризманн 24 та расмий ўйин ўтказди. Уларда ҳужумчи 16 та гол урди ва шерикларига иккита голли узатма берди.
Transfermarkt Гризманни 25 миллион еврога баҳоламоқда.
