"Барселона" бош мураббийи Хави Каталония жамоасининг қишки трансферлари ҳақида гапирди. Испаниялик мутахассис "кўк-анорранглилар"нинг жорий трансфер ойнасида янги футболчи харид қилишини билмайди.
"Январь ойида ҳеч бўлмаганда битта ўйинчи билан шартнома имзолай оламизми, билмайман. Ҳаммаси молиявий фэйр-плейга боғлиқ бўлади. Биз президент Лапорта ва спорт директори Деку билан доимий алоқадамиз", - деди Хави Mundo Deportivo билан суҳбатда.
Аввалроқ, "Атлетико Паранаэнсе" ҳужумчиси Витор Роке "Барселона"га ўтгани маълум бўлганди.
"Барселона" Испания чемпионати турнир жадвалида учинчи ўринда бормоқда. Жамоа 18 учрашувда 38 очко жамғарган.