Дортмундликлар Жейдон Санчога "Манчестер Юнайтед"дан ижарага олган вақтида маошининг учдан бир қисмини тўлайди.
The Times нашри хабарига кўра, немис клуби Жейдоннинг "Манчестер Юнайтед"да олти ой давомида оладиган суммасининг учдан бир қисмини - 2,6 миллион фунт (3 миллион евро)ни ўз зиммасига олишга тайёр. Қолган 5,2 миллион фунт стерлинг (6 миллион евро)ни эса, Санчо мавсумнинг иккинчи ярмида клубда ўйнамаслигига қарамай, “Юнайтед”нинг ўзи тўлайди.
Агар дортмундликлар Санчога "Манчестер Юнайтед"да ишлаётган ҳафтасига тўлиқ 300 минг фунт тўлашга рози бўлса, у жамоанинг энг кўп маош олувчи футболчисига айланади ва бу кийиниш хонасидаги муҳитни бузиши мумкин эди.
Ҳозирда "Боруссия"даги энг юқори маош Никлас Зюле бўлиб, у ҳафтасига 166 минг фунт (тахминан 193 минг евро) олади.
Олдинроқ клублар Санчонинг ижара шартлари бўйича келишиб олгани маълум бўлганди. У эртага "Боруссия"га ўтиши мумкин.
Эслатиб ўтамиз, 2021 йилнинг ёзида Санчо "Боруссия"дан 85 миллион евро эвазига "Манчестер Юнайтед"га ўтган эди. У август ойидан бери "Юнайтед"да бош мураббий Эрик тен Хаг билан можаро туфайли ўйнамади.
