Мадриднинг “Реал” клуби “ПСЖ” ҳужумчиси Килиан Мбаппени сотиб олиш варианти сабаб Эрлинг Холанддан воз кечиши мумкин, дея хабар беради MadeinFoot.
Манбага кўра, норвегияликнинг атрофидагилар раҳбарият билан яхши муносабатларни сақлаб қолиш мақсадида испан клуби вакиллари билан яқин алоқада. Бироқ қарор қабул қилувчилар Мбаппе билан шартнома имзолашни исташаётгани хабар қилинган.
1 январь куни Мадриднинг “Реал” клуби франциялик футболчига расмий таклиф билан чиққани ва қарор қабул қилиш муддатини – январь ўрталарида белгилаб қўйгани ҳақида хабар берилганди.
Мбаппенинг "ПСЖ" билан шартномаси 2024 йилнинг ёзига қадар мўлжалланган. Жорий мавсумда у парижликлар сафида барча турнирларда 23 та ўйин ўтказиб, 22 та гол урди ва 2 та голли узатмани амалга оширди. Transfermarkt портали футболчини 180 миллион еврога баҳоламоқда.
