Лондоннинг "Арсенал" клуби "Ювентус" ҳужумчиси Душан Влаховични сотиб олмоқчи.
Sky Sports хабарига кўра, "канонирлар" январь ойида 23 ёшли сербни сотиб олиш учун 60 миллион фунт таклиф қилмоқчи. Туринликлар ҳозирча бу таклифга қандай жавоб бериши номаълум.
Влаховичнинг амалдаги шартномаси 2026 йилнинг июнида якунланади. Transfermarkt уни 60 миллион еврога баҳоламоқда.