"Вильярреал" раҳбарияти "Манчестер Юнайтед"га вингер Факундо Пельистри учун трансфер таклифини тайёрламоқда. Бу ҳақда The Sun хабар бермоқда.
Манбага кўра, "сариқ сув ости кемаси" 22 ёшли футболчини трансфер ойнаси очиқ бўлган бир ой давомида сотиб олмоқчи. Таъкидланишича, бу келишувнинг муваффақиятга эришиш эҳтимоли ниҳоятда юқори, чунки уругвайлик футболчи "Манчестер Юнайтед"даги уч йил давомида манкунианликларнинг асосий жамоасидан жой ололмади.
Эслатиб ўтамиз, жорий мавсумда Пельистри барча турнирларда 13та ўйинда иштирок этиб, битта голли узатмани амалга оширган.