"Атлетико Мадрид" бош мураббийи Диего Симеоне Мадрид клуби футболчиларининг Саудия жамоаларига ўтиши мумкинлиги ҳақида гапирди.
"Бу ҳеч қачон осон бўлмайди, чунки трансферлар бир кишига боғлиқ эмас. Агар кимдир кетса, сиз ҳеч қачон хотиржам бўлолмайсиз. Бу ҳис-туйғулар, аммо ҳозир бу бошқа туйғу, чунки қишда бозорда ёзга қараганда камроқ ҳаракат бўлади.
Кейинроқ, балки уч нафар футболчимиз Саудия Арабистонига жўнаб кетишар. Аммо йигитлар ҳозир яхши ҳаракат қилишяпти, деган фикр бор, лекин баъзилари кўпроқ ўйнашни хоҳлашади ва улар шу сабабли кетишлари мумкин. Ҳозир биз рақобат муҳитида эканлигимиз ва ҳеч кимнинг кафолатланган жойи йўқлиги кўриниб турибди. Рақобат ҳар доим мамнуният билан қабул қилинади, айниқса уни тўғри қабул қиладиганлар учун", - дея Симеоненинг сўзларини келтиради Football Espana.
Эслатиб ўтамиз, “Атлетико Мадрид” Испания чемпионатининг 1-даврасини 38 очко билан бешинчи ўринда якунлади ва пешқадам “Реал”дан 10 очко ортда қолди.
