"Барселона" ҳужумчиси Витор Роке "Манчестер Сити"га ўтиши мумкин эди.
18 ёшли футболчи шу ой бошида Бразилиянинг "Атлетико Паранаэнсе" клубидан каталонияликлар сафига қўшилди. Barca Universal нашри журналист Хави Торресга таяниб хабар беришича, "Манчестер Сити" ёш форвардга анча қулайроқ молиявий шартларни таклиф қилган, бироқ у "Барселона"га ўтишни хоҳлагани учун "шаҳарликлар" таклифини қабул қилишдан бош тортган.
Витор Роке "Лас-Пальмас" ва "Барбастро" билан учрашувларда захирадан майдонга тушди. Бразилиялик футболчининг "Барселона"га ўтиш нархи 40 миллион еврога баҳоланмоқда.