"Barselona" hujumchisi Vitor Roke "Manchester Siti"ga o‘tishi mumkin edi.
18 yoshli futbolchi shu oy boshida Braziliyaning "Atletiko Paranaense" klubidan kataloniyaliklar safiga qo‘shildi. Barca Universal nashri jurnalist Xavi Torresga tayanib xabar berishicha, "Manchester Siti" yosh forvardga ancha qulayroq moliyaviy shartlarni taklif qilgan, biroq u "Barselona"ga o‘tishni xohlagani uchun "shaharliklar" taklifini qabul qilishdan bosh tortgan.
Vitor Roke "Las-Palmas" va "Barbastro" bilan uchrashuvlarda zaxiradan maydonga tushdi. Braziliyalik futbolchining "Barselona"ga o‘tish narxi 40 million yevroga baholanmoqda.