Мадриднинг “Реал” клуби устози Карло Анчелотти жамоа ярим ҳимоячиси Федерико Вальвердега юқори баҳо берди.
"Вальверде? У етакчи футболчи, кўп позицияларда ўйнашга қодир. У ҳужумчи ҳам, ярим ҳимоячи ҳам бўлиши мумкин. У жуда муҳим футболчи. Бозорда у каби футболчиларни камдан-кам учратиш мумкин. Менимча, у ҳали ҳам олдинга силжиши мумкин. У жуда камтар ва бу ерда у ўзгариши керак. Унга кўпроқ такаббурлик керак", - деди Анчелотти сешанба куни бўлиб ўтган матбуот анжуманида журналистларга.
"Реал" навбатдаги ўйинини 10 январь, чоршанба куни Испания Суперкубоги ярим финалида "Атлетико"га қарши ўтказади.
