Жордан Хендерсон қишда Европага қайтишга тайёр.
De Telegraaf хабарига кўра, ярим ҳимоячини ўз сафига "Аякс" клуби, шунингдек, АПЛ турнир жадвалининг қуйида жойлашган икки клуби ва Бундеслиганинг бир жамоаси ўз сафига қўшиб олишга қизиқмоқда.
Футболчининг вакиллари амстердамликлар билан музокарага тайёр эканликларини айтишган. Ярим ҳимоячининг фикрича, агар у Европада ўйнаса, Англия терма жамоасининг Евро-2024 таркибига кириш имконияти кўпроқ бўлади.
Шу билан бирга, "Аякс" Хендерсонга "Ал-Иттифоқ"да оладиган маошининг бир қисмини ҳам (йилига 15 миллион евро) тўлашда муаммоларга дуч келиши мумкин.
Саудия Арабистонининг жорий чемпионатида англиялик футболчи 17 та ўйин ўтказиб, 4 та голли узатмани амалга оширган.
