“Мидлсбро” клуби ярим ҳимоячиси ва сардори Жонни Хоусон жамоасининг Англия Лига кубоги ярим финали биринчи ўйинида Лондоннинг “Челси” жамоасига қарши кечган ғалабаси (1:0) ҳақида фикр билдирди.

"Бундай имкониятлар тез-тез учрамайди, бу менинг фаолиятимда биринчи марта. Биз бундан максимал даражада фойдаланишимиз, боримизни беришимиз, қўлимиздан келганини қилишимиз керак", - деди Хоусон BBC билан суҳбатда.

Эслатиб ўтамиз, учрашувдаги ягона гол 37-дақиқада киритилди. "Мидлсбро"нинг 21 ёшли ярим ҳимоячиси Хайден Рис Хекни гол муаллифи бўлди.

"Челси" ва "Мидлсбро" ўртасидаги жавоб учрашуви 23 январь куни Лондонда бўлиб ўтади.