Менхенгладбахнинг "Боруссия" клуби ва Германия терма жамоаси ярим ҳимоячиси Флориан Нойхаус жорий трансфер ойнасида клубини ўзгартириши мумкин. Бу ҳақда журналист Флориан Плеттенберг ижтимоий тармоғида хабар берди.
Манбага кўра, 26 ёшли футболчи клубдаги ўрнидан норози, "Боруссия" раҳбарияти у билан хайрлашишга тайёр. Нойхаус учун "Севилья" ва "Лацио" даъвогарлик қилмоқда. Иккала клуб ҳам футболчини ижарага олиш вариантини кўриб чиқмоқда, бунда сотиб олиш опцияси ҳам бор.
Нойхаус 2017 йилдан бери Менхенгладбахнинг "Боруссия" жамосида ўйнаб келмоқда. Жорий мавсумда ярим ҳимоячи барча турнирларда 16 та ўйин ўтказиб, 3 та гол ва 2 та голли узатмани амалга оширди. Футболчининг амалдаги клуби билан шартномаси 2027 йилнинг июнь ойи охиригача амал қилади. Transfermarkt порталига кўра футболчининг тахминий нархи 9 миллион еврони ташкил қилади.
