Пайшанба куни "Барселона" Испания Суперкубоги ярим финал учрашувини "Осасуна"га қарши ўтказади. Каталония жамоаси бош мураббийи Хави ҳимоячи Жоау Канселу ва ярим ҳимоячи Педрининг ҳолати ҳақида гапирди.
"Биз Педрига нисбатан оптимистикроқмиз. Сўнгги кунларда у ўзини яхши ҳис қилмоқда. Канселуга келсак, унинг эртага майдонга тушишига ишонишим қийиндек туюлади. Келинг, бугун унинг ўзини қандай ҳис қилаётганини кўриб чиқайлик. Аммо Педри майдонга қайтишга яқинроқ", - деди Хави матбуот анжуманида.
"Барселона" - "Осасуна" учрашуви 11 январь куни Тошкент вақти билан соат 23:59да бошланади.
