"Челси" ва "Манчестер Юнайтед"нинг собиқ ярим ҳимоячиси, ҳозирда "Ренн"да тўп тепаётган Неманья Матич "Лион"га ўтишга яқин турибди.
Бу ҳақда журналист Экрем Кўнур Х (собиқ Твиттер) ижтимоий тармоғида маълум қилди.
Манбага кўра, "шерлар" вакиллари "Ренн" раҳбарияти билан фаол музокаралар олиб бормоқда. Aввалроқ Матич ўз клубидан мамнун эмаслиги ва у билан ҳамкорликни тўхтатмоқчи эканлиги хабар қилинганди.
Матич август ойида «Рома»дан 2,5 миллион евро эвазига «Ренн» футболчисига айланди.
Жорий мавсумда ярим ҳимоячи барча турнирларда 19та ўйин ўтказиб, иккита голли узатмани амалга оширди.
Футболчининг амалдаги клуби билан шартномаси 2025 йилнинг июн ойи охиригача амал қилади. Трансфермаркт интернет порталига кўра футболчининг тахминий нархи 3,5 миллион еврони ташкил қилади.
