"Бавария" чап қанот ҳимоячиси Рафаэль Геррейру "Aл-Ҳилол"нинг трансфер мақсадига айланди. Португалиялик футболчи жорий мавсум бошланишидан олдин "Боруссия Дортмунд"дан эркин агент сифатида кўчиб ўтган ва мюнхенликлар сафига қўшилганди.
Мавсумнинг биринчи ярмида Геррейру доимий жароҳатлар билан боғлиқ муаммоларга дуч келди, бу эса ўйинларнинг муҳим қисмини ўтказиб юборишига сабаб бўлди.
L'Equipe нашри хабарига кўра, 30 ёшли футболчи келганидан 6 ой ўтиб "Бавария"ни тарк этиши мумкин: "Aл-Ҳилол" португалиялик футболчи билан боғланиб улгурган ва латералга қизиқиш билдирмоқда.
Саудия клуби сотиб олиш опцияси билан ижара шартномасини тузишни кутмоқда. Рафаэль Геррейру "Бавария" сафида барча мусобақаларда саккизта ўйинда битта гол урган.
