“Бунёдкор”нинг Дубайдаги йиғини доирасида “Шаржа” жамоасига қарши кечган баҳсда Анваржон Солиев жароҳат олган эди.
Тажрибали ҳужумчи “Шаржа”га қарши баҳснинг иккинчи бўлимида жамоамиз кўригида бўлиб турган Александр Пишурнинг ўрни майдонга тушди ва рақиб дарвозасини бир бор аниқ нишонга олди. Бироқ Анваржон ўша куни баҳсни охиригача етказа олгани йўқ. Боиси учрашувда Солиев рақиб билан тўқнашувда жароҳат олди. Ҳужумчи айни пайтда жароҳатидан тезроқ фориғ бўлиш учун даволанмоқда. Клуб шифокорлари уни тезроқ яшил майдонга қайтаришга ҳаракат қилишмоқда.