Кеча бўлиб ўтган Ўзбекистон- Сурия ўйини ҳақида икки оғиз: 

Биринчи ўйинда ўзи доим қийин бўлади. Ҳаяжон, ўйин ўхшамаслик, таркиб танлашда хатолар ва ҳоказо. Булар оддий ҳолат.

Албатта, бу ерда Сурия кўрсатган антифутболни ҳам айтиб ўтиш керак. Купернинг ҳимоявий футболи. 11 киши орқага ётиб олиб, барча зоналарни ёпиб ташлаш.  Бундай рақибга қарши ҳар қандай жамоа қийналади.

Ўзимизни футболчиларга келсак дарвозабонга деярли иш бўлмади.

Уч марказий ҳимоячиларимизга ҳам. Лекин¸ керакли вазиятларда ишончли ҳаракат қилишди.

Алижонов жароҳат билан формадан чиқиб қолгани маълум бўлиб қолди. Унга озгина вақт керак.

Сайфиевни ҳамма танқид қиляпти, лекин у ўз даражасида ўйнади деб ўйлайман. Унга асосий етишмаган нарса, асосий қуролини ишга сола олмади. Унинг асосий қуроли тўпни жарима майдончаси ичига етказиб бериш. Бошида бир икки етказиб берди. Жарима майдони ичида ҳеч ким йўқлигини кўргач бу нарсадан тийилишни бошлади ва тўпни кўп йўқотди.

Марказий ярим ҳимоячиларимиз ўз даражаларида ҳаракат қилишди. Фақат айрим вазиятларда тўп узатишда кўп вақт йўқотилди.

Эркинов биринчи бўлимда энг фаоллардан эди. Нимага захирага олинганини Катанецни ўзи билади. Машарипов эса яна ўз даражасига чиқиб олиш керак бўлади.

Остон эса марказий ҳужумда ўзи ҳам қийналиб кетган бўлса керак. Антифутболга қарши ўйнаш жуда қийин. Унга эса тезлик олиш учун очиқ зоналар кўпроқ керак эди. Улар эса йўқ.

Файзуллаев эса асосий таркиб ўйинчиси эканлигини анча олдин исботлаб бўлган. Ўйинга қўшилиши билан тезлик ва креативлик пайдо бўлди.

Сергеев тушганидан сўнг эса тўп жарима майдони ичига етказилиб бера бошлади. Сергеевни ўзи ҳам курашга киришди. Ярим ҳимоячилар анча осон бўлишни бошлади. Фақат жуда кеч туширилди.

Кейинги ўйин Катанец ўзгаришлар қилса керак.

Равшан Салимов.