"Бавария" ҳужумчиси Томас Мюллер ўзи ҳаракат қиладиган позицияда дунёнинг энг яхши футболчисини ажратиб кўрсатди.

“Дунёнинг энг яхши ҳужумчиси бу - Харри Кейн. Унинг рақобатчилари? Эрлинг Холанд ажойиб, лекин у бошқача. Харри ҳозир энг яхшиси. У ўйинни тушунади, ҳимоянинг заиф томонларини билади, ғоявий паслар беради.

Кейн доимо жарима майдонила бўладиган футболчи. Ҳар доим энг юқори даражада. У деярли ҳар бир ўйинда гол уради", - дея Мюллернинг сўзларини келтиради Bayern & Germany.

- "Бавария" 30 ёшли Кейнни ёзда "Тоттенхем"дан 95 миллион еврога сотиб олганди.
- Бундеслига мавсумида Харри ҳисобида 16 та ўйин, 22 та гол ва 5 та голли узатма бор.
- Кейннинг шартномаси 2027 йилгача мўлжалланган.